Vang folkebibliotek
Biblioteket kan og skal vere så mangt, det er ein teneste og ein plass for alle som er i Vang. Ei viktig oppgåve for folkebiblioteka er å vere ein møteplass. Her er alle velkomne, og utover normal folkeskikk og bruk av innestemme, så krevst det ikkje mykje av deg når du er hjå oss. Du kan kome og skravle, lese aviser, låne bøker, bruke pc, skrive ut og skanne, få hjelp til forskjellig på internett, spele brettspel, eller berre nyte utsikten.
Vi er to fast tilsette på biblioteket no; Marianne Riste i 100% som biblioteksjef og våren 2024 driv vi og tilset ein bibiotekar/bibliotekmedarbeidar i 100%. Også er vi heldige og har med oss nokre gode hjelparar. Saman lagar vi mindre og større tilstellingar for vangsgjeldingane, alt frå dagsaktuelle bokutstillingar til litterære og kulturelle arrangement. Du må gjerne kome med ønsker om bøker og anna som vi kan kjøpe inn, eller forslag til arrangement!