Bokbad med Marit Beate Kasin om Naturparadokset
Marit Beate Kasin ga i 2024 ut boka "Naturparadokset. Om naturen vi mister og hvordan vi kan få den tilbake". No kjem ho til oss og skal samtale om boka med Marte Tangen.Velkomen til ei samtale om det store naturtapet som foregår rundt oss. I Naturparadokset tar Kasin lesarane med til fjells og observerer korleis hyttebygging, alpinanlegg og vegar fortrenger villreinen frå leveområda sine. Den tar også for seg korleis det står til med villmarka og naturskogen i Norge, og vi blir kjent med både ulvar, jegarar og naturvernarar. Vi får eit innblikk i korleis vårt overforbruk av naturressursar har ført oss inn i klimakrisa, som vi no prøver å løyse ved å bygge vindkraftanlegg – som igjen raserer uberørte områder.Kasin leia prosjektet Hytteparadokset i avisa Valdres i 2021. Denne boka grev djupare inn i fortellinga om naturtap i Norge, og her gir forfattaren skremmande eksempel på det paradoksale i at vi øydelegg naturen for å oppleve den. Kasin diskuterer aktuell forsking og politiske tiltak gjennom intervju av fagfolk, politikarar og lokalbefolkning, og samanliknar ulike standpunkt og grunngjevingar som ligg bak den pågåande nedbygginga av natur. Boka har vorte høgaktuelt i ei tid der stadig fleire blir oppmerksame på korleis naturen blir bygd ned og dyra forsvinn. I samtala vil Kasin og Tangen kome inn på nokre av dei mange paradoksa som er skildra i boka.