Bridge er eit kortspel for 4 personar, 2 og 2 spelar på lag. Du kan spele privat, i klubb eller på nett. Det er vanleg å spele med same makker kvar gong. Alle spel blir spelt av alle par i løpet av kvelden, slik kan ein samanlikne resultata og dele ut poeng. Bridge er delt i to delar; meldingar for å kome i best mogleg kontrakt og så sjølve spelet. På ein spelekveld er vi vanlegvis 6-8 par.

Dersom du likar å spele kort, spesielt wist eller amerikanar, er bridge noko for deg.

Du lyt som nybyrjar lære nokre prinsipp og eit enkelt meldesystem. Det å spele eit spel er ikkje vanskeleg, men det å bli ein god spelar krev tid!

Hugs, heile kroppen treng trening, bridge er godt for "dei små grå".

Interesserte kan møte opp og vere bakspelar for ein kveld eller to. Eit enkelt kurs blir halde for interesserte, det er gratis og du får hjelp av ein røynd spelar ved bordet. Bridge er spanande; spanande å få til gode meldingar, god speleføring eller godt motspel. Det er alltid moro å kome i rett kontrakt og spele heim dei stikka du treng.

Vi legg vekt på at bridgeklubben også er ein sosial møteplass, og vi tek oss sjølve lite høgtideleg. Det er rom for tabber og ein god latter! Ein bridgekveld krev konsentrasjon, men er samstundes avkopling frå alt anna.

Pause i spelinga med kaffe/te og rundstykker til ein billig penge.
Rimeleg medlemskontingent, og loddsal som er frivillig.

Flakslodd som premie til kveldens vinnarpar. Vi held kurs dersom interesse, ta kontakt med ein i klubben eller besøk oss for berre å s

182 hendelser